Ntiaj Teb Dub Nciab by Yasmi

Lub ntiaj teb ci ntsa iab

Nplooj ntoos ntsuab xiab cua tuaj ntxuj ntxiag

Txoj kev sov siab uas kuv ib txwm nrhiav

Zoo li muaj tiag vim muaj koj lub xub ntiag

Tsis ntev ntuj tsaus dub nciab

Ua cas tib pliag koj tso kuv cia

Koj lub xub ntiag txias zias lub plawv nres tsis dhia

Txoj sia tu kiag rau kuv ntsia

Ua neej nyob hnub tsis muaj koj zoo li lub ntiaj teb ntsiag to

Lub neej ntxhov nyho tsis muaj tus los pab nrog thaj tsob

Kuv nco koj txhua hnub hmo

Thov rov los nrog kuv nyob

Txhob tso kuv ua ntsuag nos

Ntshe zaum no kuv yuas quaj yuas nqov los koj yeej tsis xeev rov los

Vim nim tsis yog tias koj tseem nyob hauv qab ntuj no

Txhua hmo kuv ua npau suav pom tias koj puag kuv sov so

Kuv tsim dheev los ua cas tsis yog

Khuv xim lub neej thaum i

Txhua hmo wb sib ntsib saib hnub qub ci

Koj lub suab qab zib hais lus luag ntxhwv ntxhi

Koj muaj nuj nqis heev mi koj txiv

Ntiaj teb tig tsaus ntuj nti

Kuv rov mus ncig wb tej chaw ua si

Siab quaj dhuj dhi nrhiav kuv mi nraug hli

Thov ib zaug ntxiv thov wb rov pib ua neej ib yig

Ua neej nyob hnub tsis muaj koj zoo li lub ntiaj teb ntsiag to

Lub neej ntxhov nyho tsis muaj tus los pab nrog thaj tsob

Kuv nco koj txhua hnub hmo

Thov rov los nrog kuv nyob

Txhob tso kuv ua ntsuag nos

Ntshe zaum no kuv yuas quaj yuas nqov los koj yeej tsis xeev rov los

Vim nim tsis yog tias koj tseem nyob hauv qab ntuj no

Txhua hmo kuv ua npau suav pom tias koj puag kuv sov so

Kuv tsim dheev los ua cas tsis yog

Txhua hmo kuv ua npau suav pom tias koj puag kuv sov so

Kuv tsim dheev los ua cas tsis yog